Geguritan

Lelakoning Tempe

Kasendhal saka witing kauripan

Kapethal saka sentana warga

Kagodhog ing umubing jarang

Kagiles dening agunging samparan

                Lelakoning....

                Tansah ketula-tula ketali

                Murih dadya siji

                Akudu dadi siji marang aseming ragi

Katilar lan ngraosaken sonyaning kahanan

Ing papan pandhelikan

Kang tan sumurup sang bagaskara

Drana angantu, lumakuning ratri lan siyang

                Kalara, dene anggendhong  jamur ing badanireki

                Lan dereng telas ing lakuning dhiri

                Badan kang wus oncat, kakiris

                Kaolah lan dadya memangsaning jalma kingkin...